Home / کامیاب قصاٞ / اداریہ

اداریہ

سوئی ماں اولہٞ تہ تانی گاؤری پروُگ واٞلاٞ کٞہ بُماریکی دِیانت اوں گاؤری رسالہ باٞر وخہ باد اچھٹاں تھُوں مُکھامک تھُو۔ موں راٞن پروگ واٞلاٞ جی سی ڈی پی(گاؤری کمیونٹی ڈیولپمنٹ پروگرام) بیش کاٞل تھی تانی مِیݭ جِب گاؤری ایں حفاظتیں تے اساں میڄ کٞہ گیچوگیں کیر ڈمین کرینت۔

اولیں فُرصِت مئی مہٞ تانی جِبا‌ٞں حُروف چاگ دیگیر کُلاں کِتاٞبونہ چنڑوگ ماں بعد گاؤری رسالاٞ تھی گش اوں گاؤری1 ریڈو تے گاؤری ویب سائٹ آئی مُوں کاٞں منصوباٞ ہُو تاٞس پٞروگ والا اٞ تے بُجوگ واٞلاٞ اٞ باٞر خُوشاگ۔ لیݪ قِسمت سٞہ گاؤری رسالہ اتوشی مسلاں وجاٞ دہ بن ہوش۔ تٞن مئی گاٞن مسلہ چنڑوگ والا ماکہ تانی چُنڑیل لاڑاگ مئی خاص دلچسپی نہ گِننۡش۔ مُٹو گاؤری -1 ریڈو تے گاؤری ویب سائٹ کولا ہوگٞہ باد موں پروگ والا تے بجوگ واٞلاٞ اٞچھٹاں ماٞکہ درخواست کیر اوں گاؤری رساٞلہ چاپ ہودہ۔

تھُوں درخواست رہ مٞہ اٞماٞل کاٞ اٞچھٹاں دوبارہ گاؤری رسالہ چاپ کیر۔

چُنۡڑوگ وٞالاٞ کٞہ مُٹو تہ باٞر ہاسان ہوت۔ مِیش سہولاٞت نہ ہوگاٞں وجاٞ تھی تھہ پاٞݪ رہ چُنۡڑی ماں کٞہ دیانش، مٹُو الحمد اللّہ کاٞماں مُوں گاؤری جِب واٞلاٞ تھُو توم کہ انٹرنیٹیں سہولات تھی۔ مُٹو تھہ ماں کٞہ تانی چُنۡڑیل رساٞلاٞ آخری پاٞݪ رہ داٞگِیل

ای میلاں پتاٞ دہ لاڑا باں۔ مہٞ تھُوں چنڑیل رساٞلاٞ مئی شامیل کٞری۔

اُماد لرنت اوں نیِم ڈیزین مئی کاں ایں رسالہ تھُوں مکھامک تھات ائی تھُوں خوش یگ تے تھٞہ ماٞکہ تانی میݭ جِب مئی قصا، لطیفا، شلوک، رو تے مضمون چنڑی ماکہ لاڑاگ۔

 

گاؤری ٹیم

 

 

gawri one

یہ پروفائلبطور ایڈمن رائیٹس استعمال ہوتا ہے۔ اس یوزر کے تمام ارٹریکلز سائٹ ایڈمن کے شائع شدہ آرٹیکلز ہے۔
gawri one

کمنٹس

آپ کی رائے

Check Also

کالام، پرفضا سٹیڈئیم میں آشورن پریمئیر لیگ اپنے عروج پر

کالام(سپورٹس رپورٹر) کالام کے پرفضا مقام پر پر اے پی ایل کرکٹ کی رنگینیاں عروج …

Fikr bildirish

E-pochta manzilingiz chop etilmaydi. Majburiy ma'lumotlar * bilan belgilangan