Home / کامیاب قصاٞ / عالمی خواندگی آں دوس

عالمی خواندگی آں دوس

عالمی یوم خواندگی 1965 مئی یونیسکو اٞ منظور کیش۔ ہاٞر کال ستمبراں اڄم تاریخ رہ عالمی یوم خواندگی مناؤ کٞراں۔ تسیں مقصد ایں نو خلق ماٞک تعلیماں اہمیتاں باٞراٞ مئی شعور پیدا ہوگ تہ۔ گاؤری کمیونٹی ڈیولپمنٹ پروگرام(جی سی ڈی پی) پا ہاٞر کال عالمی یوم خواندگی ضرور مناؤ کریں۔

آݭوم جی سی ڈی پی اٞ عالمی یوم خواندگی مٹلتان مئی مناں کِیر۔ جی سی ڈی پی ہاٞر کاٞلہ مختلف علاقاٞ مئی امی چھلاں پروگرامونہ کٞری۔ ایچھٹاں پروگرام مٹلتان مئی اینیں کیر تھاگ اوں اݭو تے مٹلتان مئی تعلیمیں حالات باٞر زیات خرابی ایں پیݭ کٞہ روان تھی۔گورکین مئی اٞ پرامری سکول ست کاٞلہ میݭ ہِمیلہ تباہ کیِش سٞہ ایساتائی نہ چاجنت۔ ایں چھلہ مٹلتاناں پرامری سکول دوئی کاٞلہ میݭ بھومیل مئی تباہ ہو۔ پلوگاں سکول پا دوئی کاٞلہ میݭ بھومیل مئی تباہ ہو۔ یعنی اݭو مٹلتان مئی بنیادی تعلیماں اداراٞ تباہ ہوگ دٞہ تعلیم رہ باٞر زیات اٞثار گات۔ پرہ لیݪ قسمت سٞہ حکومتیں پیݭ تھی بحالی ایں کِیر کی قسماں کار نہ ہوت۔ جی سی ڈی پی اٞ مُٹلی مئی تے مٹلتان مئی تانی دو ایم ایل ای سکولونہ پا اݭوم کولا کیر اوں تعلیمی ترقی مئی کم از کم تانی کردار ادا کری تہ۔تانی موضوع ایں پیݭ کٞہ ئی یعنی“عالمی خواندگی“ آں دوس مہ مٹلتان مئی اُتھیل دیرہ منا کِیر تن مئی۔ علاقاں مشران۔ زوانان ماں علاوہ سکولاں لُکوٹورہ پا شرکت کیر۔مشران مئی محمد دین، مولانا بخت روان۔ مولانا برادر، شیر حسن، ڈاکٹر محمد ایوب، سیکرٹری پشم خان تے آس ماں علاوہ باٞر مشران تے زوانان آش۔ سویہ تعلیمیں صورت حال رہ ران بحث کِیر۔ علاقاں خلکٞہ جی سی ڈی پی کٞہ ماربینگیری منی اوں اوم تعلیمیں کیر باٞر ڈمین کٞرنت۔ تومہ ایں درخاست پا کِیر اوں ایجگل، پلوگاہ تے مٹلتان بازار مئی پا تانی سکولونہ کولا کٞرا۔ جی سی ڈی پی آں مشر محمد نبی اٞ توم کٞہ یقین دہانی کِیر اوں کٞہ چری تھہ امی دوئی سکولونہ مئی تانی بچئی رہ محنات کیر تے دلچسپی گین مہ تھا کٞہ انشاء اللّہ دی پا سکولونہ چاں موں مقصد کالام، اتروڑ، مٹلتان، گبرال تے دیر کوہستاناں علاقاٞ مئی تانی جِبہ تعلیم داگ تھُو۔ تے تسیں کیر مہ ہاٞر چھلائی تانی کوشش جاری ساتنت۔

 

gawri one

یہ پروفائلبطور ایڈمن رائیٹس استعمال ہوتا ہے۔ اس یوزر کے تمام ارٹریکلز سائٹ ایڈمن کے شائع شدہ آرٹیکلز ہے۔
gawri one

کمنٹس

آپ کی رائے

Check Also

کالام، پرفضا سٹیڈئیم میں آشورن پریمئیر لیگ اپنے عروج پر

کالام(سپورٹس رپورٹر) کالام کے پرفضا مقام پر پر اے پی ایل کرکٹ کی رنگینیاں عروج …

Fikr bildirish

E-pochta manzilingiz chop etilmaydi. Majburiy ma'lumotlar * bilan belgilangan