Gawri 1 Biggest Kohistani Portal
الحمداللّہ گاؤری رسالیں نیم ڈیزیناں چوٹ شمارہ تھُوں مُکھامک تھُو۔ آک دی پھتہ رسالاں چاٞپ ہوگ ایں جولاگاں ثبوت دیانت اوں موں خلکہ دوبارہ تانی جِب چُنڑوگ مئی دلچپسی گھینت۔ گاؤری رسالہ ہاٞر تتھیں علاقیں نمائندگی کٞرنت اوں تاٞتہ گاؤری جِب دیانش تہ۔ رسالہ شروع ہو تے موں کیر ایں چھاٹ مٹلتان تے اتروڑ تھی پا باٞر چُنڑیل ئیگ۔
موں رسالہ دیر کوہستان مئی پا چاپ ہواں۔ اولاں کاٞں رساٞلاٞ چاپ ہوانۡش تٞن مئی زیات چُنڑیل ماکہ دیر کوہستان تھی ینۡش، پرہ ایں موں چوٹ رسالہ تھُو پرہ ماکہ دیر کوہستاٞن تھی باٞر کم مواد یاگ مہ تاٞس شامیل کِیر۔
دیر کوہستان مئی باٞر گاٞن علاقہ تاٞتہ گاؤری جِب دیانت پرہ رساٞلاٞ کٞہ چُنڑوگاں شوق ختم ہوگ یقینی طور دہ خفگاناں جولاگ۔
موں دیر کوہستاٞناں زواناٞن کٞہ پکاٞر اوں تانی جِب سٞہ مینہ پیدا کٞروگیں کیر انٹرنٹ تے دی وسائل استعمال کٞرئی تے گاؤری رسالیں کیر چُنڑئی۔ تھاکہ پتہ تھُوں اوں گاؤری کمیونٹی ڈیولپمنٹ پروگرام کٞہ گاؤری رسالہ، ریڈیو، آن لائن ٹی وی تے ویب سائٹ ایں کیر کی قسماں فنڈ نات، پرہ موں کٞتیگ زواناٞن تاٞنی وسائل دہ تھیر کھور پھٹکانت تے محناٞت کٞرنت۔ اسوں محنتاں وجاٞ تھی مُوں گاؤری رسالہ، ریڈیو تے آن لائن چینل ترقی ایں پیݭ کٞہ روان تھُو۔
اُماد تھُو اوں مو امی اداٞراٞ شاٞردہ تانی کھور رہ پاݭ ہوگ تے مٞہ تانی تتھیں ممبران کٞہ معاوضہ پا دی اوں توم گاؤری رسالہ تے آن لائن ریڈیو تے ٹی وی ایں کیر محناٞت کٞرنت تہ۔
gawri one
Latest posts by gawri one (see all)
- ہیما تھروپ تھروپ مئی کیت کبڈی آں نٹوگ - Yanvar 15, 2020
- تٞم زیات کاٹ ہواٞنت - Avgust 5, 2019
- مہی ڈینڑاں ساٞل - Iyul 8, 2019
