Home / مضمون / تانی جِب مئی تعلیم, چُنڑیل: عبدالعلی بازار کالام

تانی جِب مئی تعلیم, چُنڑیل: عبدالعلی بازار کالام

جِب دہ اٞ انسان دی انساٞن سٞہ تانی خیالاتاں اظہار کٞراں، تانی ضرورِتاٞں شیاٞن دِیاں، مالومات حاصِل کٞراں تے مُکاٞں ماٞنُوڄ کٞہ مالومات پھݭاں۔ ہاٞر انسان تانی یئ ایں جِب رین جاناں تے دی مانوڄ سٞہ اِیں جِب مئ جولاگ آٞس کٞہ سُگار آشاں۔ ایں چھلہ تعلیم داٞگ مئ پا جِب اِستعمال ہوئیں۔ پاکستان مئ اولہ اردو زریعہ تعلیم آش دِگیر انگریزی ہُو۔

مانوڄ تتھیں جِب مئ تعلیم کٞرباں اُوں کیں جِب تاٞس کٞہ اِزدہ آش تہ۔ فرض کٞر تئ اٞ اِسکولاٞں ماٞسوم کٞہ منُو اُوں ھِکور مُوں اوجوداٞں ہاٞر انداٞم کٞہ رات پھݭاں، تتھیں ماسوم آٞتہ پوھ ہُواں۔ اِیں جُملہ تئ تاٞس کٞہ انگریزی مئ منُو تے سٞہ آٞتہ کٞہ پوہ ہوئی، کیکوں تاٞس کٞہ تہ انگریزی اِزدہ نات۔ دُنائیں کتیک ترقی یافتہ قومونہ تھی تے تسوں ترقیاں راز اِیں تھو اُوں تامہ تعلیم تانی یئیں جِب مئ حاصِل کِیت۔ برطاٞنیاٞ مئ، چین، جاٞپاٞن مئ تے جرمنی مئ تعلیم تسوں مادری جِب مئ دِیاٞں۔ لیݪ قسمِتہ پاکستاٞن مئ تالیم مٞہ دِئیل جِب مئ حاصل کٞرنت۔ ان دہ ماٞسوماناں اِسکول ما اٞمو ہیر نِکانت۔ آخیر تام اِسکول چھورنت۔ ان دہ خواندہ گی آں شرح باٞر کاٞم ہُوانت۔ یونیسکو تے یونیسیف اٞ کتیک تحقیق کِیت تے تن تھی تام اِیں نتیجاٞ کٞہ پھاٞݭتُوں کاٞں لُکوٹور اٞ مادری جِب مئ ابتدائ تعلیم حاصِل کِیت تے توم اعلٰی تعلیم مئ پا تتھیں لُکوٹور ما مِیݭ ہُوتھوں کاٞں لُکوٹورہ ابتدائ تعلیم مادری جِب مئ نہ کِیش تہ۔

gawri one

یہ پروفائلبطور ایڈمن رائیٹس استعمال ہوتا ہے۔ اس یوزر کے تمام ارٹریکلز سائٹ ایڈمن کے شائع شدہ آرٹیکلز ہے۔
gawri one

کمنٹس

آپ کی رائے

Check Also

شیداٞل اتروڑ، چُنڑیل: سلیم خانے اتروڑ

اُچات اُچات کھٞن، پالے پالے زنگٞل، نیل نیل ڈینڑ تے اسوں میٞہ لُکوٹ شانہ اٞ …

Leave a Reply

Your email address will not be published. Required fields are marked *