Home / مضمون / مُوں اتروڑیں خوشال خلک، چُنڑیل: محسن الملک گلبرگ اتروڑ

مُوں اتروڑیں خوشال خلک، چُنڑیل: محسن الملک گلبرگ اتروڑ

مُوں اتروڑیں خلک باٞر نایٔلاج خو باٞر خوشال۔ اوم سُواٞ زمیداٞراٞن، اسوں گاۤٞن روزگار زمیدیری تھی۔ اٞ وخہ اوم جوار بوانش۔ دِگیر الو شروع کِیر۔ دِگیر بھی گوپی تے ٹاٞپر پا شروع کِیر۔ مُوں خلک اِیں سبزیاٞن ما باٞر فائدہ گِھناٞں۔ پرہ خو اسوں حالات دوس پہ دوس خراب ہُوینت۔ برِݭ کٞہ اوم زِمیدیری کٞراٞں تن دہ اتیک روپئ ہوئیں نُوں اِلا برݭاں گُزارہ ہُواں۔ خو اساٞں باوجود تھُکو پا اوم باٞر خوشال۔ ہمیشہ خانانیں زندگی لنگاٞں۔ اۤ انگریز یاش تن کوہستینی خلکاں زندگیاں جایٔزہ گِینش۔ تن اِیں منو اُوں اتروڑیں خلک باٞر خوشال قوم۔

 

مُوں خلک ہمن کٞہ واکہ پنجاب وا بچاٞں۔ تقریباً داٞش تے ݪہ بِیش فی صد کٞڑ واکہ بچاٞں۔ داٞش فی صد زُوانان لغڑ واکہ بچاٞں۔ ہمن کٞہ مُوں اتروڑیں حالات باٞر خراب آشیں۔ ہِم باٞر مُچاں۔ روڑ بند ہُواں ہوں دوئ ݪی ماٞ اٞ باد کولاؤ ہُواں۔ خلک کٞہ باٞر تکلیف آشاں۔

کیں خلک واکٞہ بچنت تہ توم ہِلا تانی بچیاٞں دوئ وخاں غلہ تے واپسی ایں کرائ پورہ کرباٞں۔ کاٞں لغاٞڑ بچنت تہ توم تانی ڈول سنگار پورہ کراٞں۔ اوم باٞر خوشال قوم، ہمیشہ پوزیشن مئ براباٞر گِراٞں۔ آخیر مئ یہ خُداٞئ ما دُعا کرنت اُوں خُدائ اوم ہمیشہ خوشال ساٞتئ۔

gawri one

یہ پروفائلبطور ایڈمن رائیٹس استعمال ہوتا ہے۔ اس یوزر کے تمام ارٹریکلز سائٹ ایڈمن کے شائع شدہ آرٹیکلز ہے۔
gawri one

کمنٹس

آپ کی رائے

Check Also

جندرئی آں اُچات کھن، چُنڑیل: محسن الملک ایڈوکیٹ

برِݭ مئی اٞجاٞنہ مُوں تھِلاں پروگرام ہُو۔ مٞہ ساٞراٞں ست باٞجاٞ رہ روان ہُو۔ ما …

Fikr bildirish

E-pochta manzilingiz chop etilmaydi. Majburiy ma'lumotlar * bilan belgilangan