Home / مضمون / اتروڑاں څڑاک، چُنڑیل: فضل الہی خیال، اتروڑ

اتروڑاں څڑاک، چُنڑیل: فضل الہی خیال، اتروڑ

آج مُوں ورکشاپاں دویام دوس تھو۔ گل رحمان صاٞبہ مُوں اتروڑ پھر گِرائ تے ارو اپانکہ اٞ شئ خوشا تن رہ لُکوٹ اٞ مضمون چُنڑا۔ مئ تانی مضمون ایں کیر اُزروٹاں څڑاک خوشات۔

ازروٹاں څڑاک صرف اٞ دیر چاجنت۔ سہٞ پا والی صاباں دور مئ۔ تن تھی باد ایں څڑاک آجِیک تاریخائ نہ چاجِنت۔ سوات مئ باٞر کم څڑکونہ بچال تھُو پرہ ازروٹاں څڑاک گاڑی چلاگاں ناتھُو۔ کاٞناٞ باٞ گِن گِن چین تھی۔ کاماٞ بھی روڑاٞں میہ اواں کاٞنڑ تھو۔ دی بھاگ بھی ڈُگور ڈُگور ڈونگ  تھُو۔ مطلاٞب اِیں نوُں ازروٹاں څڑاک باٞر خراب تھُو۔

ازروٹ سالاں باٞر ران باگ۔ ان مئ باٞر سلوخ سلوخ بھاگ تھو۔ مثلاً کنڈول ایں ڈنڑ، لدو، شاہی باغ، سپین خوڑ ایں ڈانڑ، چھڑ ایں ڈنڑ، خاپریان ایں ڈنڑ تے دی پا باٞر بھاگ تھُو۔ پرہ څڑکیں تھیر دہ امی بھاٞگ باٞر خلکیں نظر ما پناہ تھُو۔ لکہ اُزروٹاٞں ہرہ بھاگ کہ روڈ گا تے ائ سویٔٹزر لینڈ ما پا باٞر ترقی کراں۔ حکومتہ باٞر وخہ باد ایں څڑک راٞکہ توجہ دِیت پرہ تاٞس پا بازراں څڑک راٞکہ۔ میں ایں درخواست حکومِت ما تھی اُوں ہرّہ گُوݭ کہ پوخ څڑک پھݭ دہ۔

فضل الہی خیاؔل

فضل الہی خیاؔل اتروڑاں زوان تے ان سیدو میڈیکل کالج تھی ایم بی بی ایس کیت۔ مٹو سیدو ہسپتال تھی سپیشلائزیشن کرنت۔ گاؤری رسالیں کیر چُنڑاں۔
فضل الہی خیاؔل

Latest posts by فضل الہی خیاؔل (see all)

کمنٹس

آپ کی رائے

Check Also

جندرئی آں اُچات کھن، چُنڑیل: محسن الملک ایڈوکیٹ

برِݭ مئی اٞجاٞنہ مُوں تھِلاں پروگرام ہُو۔ مٞہ ساٞراٞں ست باٞجاٞ رہ روان ہُو۔ ما …

Fikr bildirish

E-pochta manzilingiz chop etilmaydi. Majburiy ma'lumotlar * bilan belgilangan