Home / مضمون / تٞم ما کٞہ پکٞار، چُنڑیل:محمد نبی آشورن، کالام

تٞم ما کٞہ پکٞار، چُنڑیل:محمد نبی آشورن، کالام

کٞہ ٹیمہ باٞر گٞریمی ہی تے مہ تٞمیں چھاۓ باتاں۔ چٞھیہ بییوگ دہ ماکٞہ آرام میلا ہواں۔ اکثار پاݪاں پھٹکوگ دہ ہوا پا چلاں۔

تٞم آپانسٞہ چھاۓ نہ کٞراں پرہ مہ تٞم تھی شٞلہ گِیاں، آبیدی چاں، لٞاراں سامان چاں تن میٔ میز، کُرسی، شان تے کاٞ شیاٞن تھُو۔ آس ما علاوہ تٞماں وجادہ درین نہ څھنی جِیں تے اوڑال تے ہیمیل نہ ہویٔیں۔

 

تٞم کاٹ ہوگ دہ نہ صرف ماحول گندہ ہوانت، پرہ سیلاباں پا خطرہ آشاں

تم کِیں دٞرین رہ ہو تے سٞہ رین اخکٞارہ ہویٔیں تے تٞم نہ آش تے اِسپیر اخکٞارہ ہویٔں۔

آس ماں علاوہ تٞماں دِی پا بٞار فاجدا تھو۔ پَرہ تساں ماکٞہ ایتھاۓ ایلِم نات۔ تاس کٞہ اکسیجن منٞاں۔ اکسیجن ماکٞہ شینش گِنوگ میٔ مداد دِییں۔ ہار سٞاہ آں شی کٞہ اکسیجن میلا نہ ہو تے سٞہ مٞراں۔

اٞمی فاجداٞ نہ جانوگ دہ مہ تانی زنگٞال باٞر چھنیت۔ موٹو ماکٞہ پکٞار اینوں مہ تانی اِشتہ زنگٞال نہ چھینی تے دی پا زیتائی۔ زنگٞال زیات ہی تے تن مئی ہار قسِماں زناور تے پھݭین پا پیدا ہواں۔ کٞاں مو کیر بٞار فایٔدہ مند آشو تہ۔ ایں زناٞوراں وجا دہ مو زنگٞال دی پا بٞار زیات ہویٔیں۔ امی زناور تٞماں ماوا کھا دی باگ بچاں تاتہ چو پٞاݭ یا میمیراں زرِیادہ تھتی بِی خور کٞراں۔

محمد نبی

محمد نبی گاؤری گاؤری جِب رہ کار کٞراں تے گاؤری کمیونٹی ڈیولپمنٹ پروگرام آں نام دہ اٞ غیر سرکیری ادارا سٞہ گاٞن افسار تھُو۔
محمد نبی

کمنٹس

آپ کی رائے

Check Also

جندرئی آں اُچات کھن، چُنڑیل: محسن الملک ایڈوکیٹ

برِݭ مئی اٞجاٞنہ مُوں تھِلاں پروگرام ہُو۔ مٞہ ساٞراٞں ست باٞجاٞ رہ روان ہُو۔ ما …

Fikr bildirish

E-pochta manzilingiz chop etilmaydi. Majburiy ma'lumotlar * bilan belgilangan