Home / لاڑاگاٞل قصاٞ / چھیلاں قصہ، چُنڑیل: ڈاکٹر ارشد علی

چھیلاں قصہ، چُنڑیل: ڈاکٹر ارشد علی

اگیلہ چھیل آشی تساں دو بچئ آشو۔ آک آں نام انگو آشو دی آں نام بنگو آشو۔ ایں چھیل سارہ چو چرینش چرینش اوں جیمہ تانی ڈوکور کیہ یا منینش اوں انگو بنگو دار بیری چنگو , تام آس کیہ دار بارنش تیں ائی یا تانی بچئ کیہ چھیر دئینش۔ اہ دوس  سار ہو, ایں چھیل چرو کیہ گیئ تیں اساں بچئ ہہ اپان پتہ دار دا شیٹ شی باش۔ پیشیں ٹیم آشی تیں بارہ ہواز ہو ارو انگو بنگو دار بیری چنگو۔ انگو ارو ائی موں یئ بنگو ارو نہ ائی دی کیشکوم دار نہ باری۔ انگو ارو نہ ائی موں یئ, بنگو ارو یئ اتیک دام نہ ییں۔ اسوں آک دی سہ بلایاں بحث ہو تیں آخیرہ آمہ دار بارو بیردوم اہ ایچ تھو۔ تتھی ایچہ آم دوامو کھا اپان پتہ دار دا شیٹ شی باش۔ جیمہ چھیلہ یا ہواز کیر ارو انگو بنگو دار بیری چنگو کین دار نہ بارو تن دیگیراں ہواز کیر ارو انگو بنگو دار بیری چنگو پرہ کین دار پوت نہ کیر, آخیرہ چھیل ٹاف ہی تیں تن پوت سیرینگیہ چو یا شینگ گی در شی دیت دار پھوٹو بیردوم شیٹ شی ایچ تھو۔ چھیل ایچ کیہ ارو تئ ما بچئ کیہ کیر, ایچ ارو مئ کھیاگ۔ چھیل تاس کیہ ارو یہ جار کیری, ایچ ارو تو صبر کیر ماں شینگ ناتھو یہ اپان کیہ سوماں شینگ چام۔چھیل ارو چا, ایچہ اپان کیہ سوماں شینگ چائی۔ چھیل ارو اولیں چھاٹ تو دہ ایچ ارو تو دہ, چھیل ارو تو دہ ایچ ارو تو دہ۔ آخیرہ چھیلہ پوت سیرینگیہ چو یا شینگ گی ایچیں ڈیڑ شی دیت ایچ اسمان شی گا تیں تسیں ڈار چرٹ دہ ییئ۔ تن وئی دیت تسیں ڈیر تھی چھیلاں بچئ پاں نیکیاس۔ ایچ مور تیں چھیل ای تانی بچئ سہ خوشیلی سہ جون لنگاشیت۔ مکیہ ای اہ گور دیت یہ تساں ٹنگ رہ دا یائی۔

ڈاکٹر ارشدعلی

ڈاکٹرارشدعلی سیدو میڈیکل کالج تھی ایم بی بی ایس پاس تھُو۔ مٹو کراچئی تھی کارڈیالوجی مئی سپیشلائزیشن کرنت۔ ائی گاؤری رسالیں کیر چُنڑاں۔
ڈاکٹر ارشدعلی

Latest posts by ڈاکٹر ارشدعلی (see all)

کمنٹس

آپ کی رائے

Check Also

مُوں اتروڑیں خوشال خلک، چُنڑیل: محسن الملک گلبرگ اتروڑ

مُوں اتروڑیں خلک باٞر نایٔلاج خو باٞر خوشال۔ اوم سُواٞ زمیداٞراٞن، اسوں گاۤٞن روزگار زمیدیری …

Fikr bildirish

E-pochta manzilingiz chop etilmaydi. Majburiy ma'lumotlar * bilan belgilangan