Gawri 1 Biggest Kohistani Portal
مُوں اتروڑیں خلک باٞر نایٔلاج خو باٞر خوشال۔ اوم سُواٞ زمیداٞراٞن، اسوں گاۤٞن روزگار زمیدیری تھی۔ اٞ وخہ اوم جوار بوانش۔ دِگیر الو شروع کِیر۔ دِگیر بھی گوپی تے ٹاٞپر پا شروع کِیر۔ مُوں خلک اِیں سبزیاٞن ما باٞر فائدہ گِھناٞں۔
پرہ خو اسوں حالات دوس پہ دوس خراب ہُوینت۔ برِݭ کٞہ اوم زِمیدیری کٞراٞں تن دہ اتیک روپئ ہوئیں نُوں اِلا برݭاں گُزارہ ہُواں۔ خو اساٞں باوجود تھُکو پا اوم باٞر خوشال۔ ہمیشہ خانانیں زندگی لنگاٞں۔ اٞ انگریز یاش تن کوہستینی خلکاں زندگیاں جایٔزہ گِینش۔ تن اِیں منو اُوں اتروڑیں خلک باٞر خوشال قوم۔
مُوں خلک ہمن کٞہ واکہ پنجاب وا بچاٞں۔ تقریباً داٞش تے ݪہ بِیش فی صد کٞڑ واکہ بچاٞں۔ داٞش فی صد زُوانان لغڑ واکہ بچاٞں۔ ہمن کٞہ مُوں اتروڑیں حالات باٞر خراب آشیں۔ ہِم باٞر مُچاں۔ روڑ بند ہُواں ہوں دوئ ݪی ماٞ اٞ باد کولاؤ ہُواں۔ خلک کٞہ باٞر تکلیف آشاں۔
کیں خلک واکٞہ بچنت تہ توم ہِلا تانی بچیاٞں دوئ وخاں غلہ تے واپسی ایں کرائ پورہ کرباٞں۔ کاٞں لغاٞڑ بچنت تہ توم تانی ڈول سنگار پورہ کراٞں۔ اوم باٞر خوشال قوم، ہمیشہ پوزیشن مئ براباٞر گِراٞں۔ آخیر مئ یہ خُداٞئ ما دُعا کرنت اُوں خُدائ اوم ہمیشہ خوشال ساٞتئ۔
ایڈوکیٹ محسن الملک
Latest posts by ایڈوکیٹ محسن الملک (see all)
- جندرئی آں اُچات کھن، چُنڑیل: محسن الملک ایڈوکیٹ - Iyul 29, 2019
- مُوں اتروڑیں خوشال خلک، چُنڑیل: محسن الملک گلبرگ اتروڑ - Iyul 29, 2019
