Gawri 1 Biggest Kohistani Portal
برِݭ مئی اٞجاٞنہ مُوں تھِلاں پروگرام ہُو۔ مٞہ ساٞراٞں ست باٞجاٞ رہ روان ہُو۔ ما سٞہ تھِلاں اٞ چچ آش۔ سٞہ پتن دار آش۔ اِینیں کیر مٞہ بٹل کھاٞن دٞہ گاٞ۔ خو ران جولاگ اِیں آش اُوں تسوُں لامیں خلک تاٞس نہ پُویاٞننش۔
تساں باٞر وخ باٞرہ ہُوش۔ ما سٞہ دُو مشراٞن آش۔ تامٞہ ما کٞہ منو ارو تھٞہ آٞک دی سٞہ بورا داٞ۔ کاٞں وخہ مٞہ بٹل دیر کٞہ پھاٞݭ تے پیشاں وخ آش تے اٞجاٞنہ تسُوں دُشمن داٞر شپڑ دہ نِکٞس۔ خو ران جولاگ اِیں آش اُوں تامہ تاٞس نہ پُویانُو۔ مٞہ دُویہ پا آٞک دی سٞہ بورا شورو کاٞمیں تسوں اٞ بام دہ لنگُو۔ اِیں پن باٞر خطرناک آش۔ مامولی پݭلوگ مرگ آش۔ خُداٞئ پاٞکہ خاٞر کِیر اُوں مٞہ خاٞرت سٞہ ڈب کٞہ وس۔ ڈِگیراٞں چوئ باٞجاٞ رہ مٞہ جندرئ کٞہ پھݭ۔ تن تھی مٞہ کینور لاٞماٞں عجایٔب گھر پھر گاٞ۔ عجایٔب گھراٞں ناٞیٔکٞہ ما ݭا چئ پویئ۔ عجایٔب گھر باٞر ران آش۔ ان مئ مُوں رواجاٞں ہاٞر شئ آش۔ تن تھی مئ او ماٞں تیں سیتٞہ آٞک دی سٞہ کوستانا شورو کیر تے مُوں مشران ماکٞہ روݭ مئ گاٞ۔ مٞہ پا شردہ بورا شورو کِیر۔ تم پا سُواٞ حاران ہُو۔ خُداٞئ پاٞکٞہ باٞر گھاٞن اِحسان کِیر اُوں مٞہ خاٞرِت سٞہ پھٞݭ۔ مٞہ تھِلہ باس کِیر۔ مٞہ کُمراٹاں تے راٞن راٞن بھاٞگاٞں ساٞل کِیر۔ تن تھی مٞہ کھلکوٹ مٞہ کُمراٹاں تے راٞن راٞن بھاٞگاٞں ساٞل کِیر۔ تن تھی مٞہ کھلکوٹ وا گاٞ۔ تاٞتہ پا باٞر مزہ یائ۔ تن تھی مٞہ پنج دوسٞہ باد خاٞرِت سٞہ تانی شیکٞہ یاٞئ۔
ایڈوکیٹ محسن الملک
Latest posts by ایڈوکیٹ محسن الملک (see all)
- جندرئی آں اُچات کھن، چُنڑیل: محسن الملک ایڈوکیٹ - Iyul 29, 2019
- مُوں اتروڑیں خوشال خلک، چُنڑیل: محسن الملک گلبرگ اتروڑ - Iyul 29, 2019
