Home / مضمون / پھری کوستان

پھری کوستان

مٞہ جی سی ڈی پی تنظیماٞں سیتاٞن ضریلی کاٞرہ پھری کوستاٞن پھر گاٞش۔ مُوں ہاٞسہ کمراٹ تھی گش اوں شیرینگل آئی تانی جِباٞں بینرݭاگ آش۔ مٞہ باڈگوئییں پیݭ دٞہ روان ہو۔ پنہ ساٞلگر پا آش توم سلوق کھٞناں علاقا پھر گِرنۡش۔ مٞہ ٹاپ رہ اتوشی دمہ کاٞ دوبارہ روان ہو۔

کٞنور لاٞماٞں اولاٞں بناٞل کٞہ پھݭی مہ کون ہاموں پھری کوستاٞن پھر بچوݭاٞت تے اتھاں اولاں باٞناٞلہ خامخہ چئی کٞہ ہِسار ہواں۔ کِیک اوں اُوٹ تے خراب څڑک دٞہ گاڑی گیچوگ دٞہ مانوڄاں اوجود ٹاٞک سدرئی ہواں۔ باٞر ٹاف ہوگاٞل آشا۔ اتھماک ‌څپاٞر شاٞنہ اٞ چئی آں اُوٹل تھُو۔ اٞ کاکہ تاٞتہ گایاں ڄھیریں باٞر مزیدار چئی پاچاں۔ تتھیں کاٞکاٞ ماں مہ ڄھیریں باٞر  چئی پیگ تے اوجود کٞہ اتوشی صحات ئیگ۔

الاٞت پھُوٹو گٞڑی کنور لاٞم کٞہ روان ہو۔ ماکہ کار باٞر آش تے شاٞردہ لاساجنۡش۔ اینیں کیر مٞہ دمہ نہ کیر پرہ کنور لاٞمہ تے تھیلاں بازار مئی تانی کاٞراں لاساکہ دیت۔ مہ کِنور لامیں جُمیتہ ڈِگیراں نماز کا تیں ماگ پھر الاٞت بینر ݭاگ۔ دیگیر مٞہ چو تھیلاں باٞزاٞر پھر اتوشی گِیرو۔ اپان کٞہ سودہ مودہ کیر تے فاروق دور سٞہ ہساٞر ہو اتوشی مجلاٞس کاٞ کمراٹ رہ روان ہو۔ کمراٹہ شڑون کاٞکاٞں داٞراٞ باس کا ساٞرہ داٞم کمراٹہ دراٞل بینر پا ݭاگ۔ تیں پت سمسو سمسو شرینگلیں پیݭ کٞہ روان ہو۔ مٞہ کھلکوٹ، پیود، بیاڑ، راج کوٹ تے شیرینگٞلہ بینر ݭاگ۔ ماکہ پیشیں گیلیں داوات کالام آں پروفیسر عبدالرب اٞ دیش۔ سٞہ شرینگل یونیورسٹی مئی پرفیسر تھو۔ مٞہ تاٞسہ یونیورسٹی مئی گیل کھا پتہ کٞہ تھلاں لاٞم کٞہ اُوکس۔ نماشامیں گیلیں داوات ماٞکہ دوبارہ کمراٹہ زمین کاکاں لاٞرہ آش۔ مٞہ گیل کھا باس پا تسُوں داٞراٞ کیر۔ ساٞرہ داٞم کونۡئی شی چکر دیت تے پھوٹو مٹو گٞڑو۔ پیشہ تھلاں لام مئی گیل کھا پت کہ واپس کالام پھر روان ہو۔

ایں مضمون تھہ یوٹیوب چینل رہ ویڈیو مئی پا بیرباں

 

 

gawri one

یہ پروفائلبطور ایڈمن رائیٹس استعمال ہوتا ہے۔ اس یوزر کے تمام ارٹریکلز سائٹ ایڈمن کے شائع شدہ آرٹیکلز ہے۔
gawri one

Latest posts by gawri one (see all)

کمنٹس

آپ کی رائے

Check Also

جندرئی آں اُچات کھن، چُنڑیل: محسن الملک ایڈوکیٹ

برِݭ مئی اٞجاٞنہ مُوں تھِلاں پروگرام ہُو۔ مٞہ ساٞراٞں ست باٞجاٞ رہ روان ہُو۔ ما …

Leave a Reply

Your email address will not be published. Required fields are marked *