Home / مضمون / حوالدار لالک جان شہید (نشان حیدر)

حوالدار لالک جان شہید (نشان حیدر)

چُنڑیل: سراج سلمان

کارگل دونائی آں باٞر اُوچات علاقاٞ مئ حساب ہوانت۔ حوالدار لالک جان پا اِیں بھاگ رہ ڈیوٹی دیانۡش۔سہٞ شہادتاں جذبہ تے اوطیناں مینہ ایں کیر ہاٞر وخت تانی جون قرباٞن کروکٞہ تیار آش۔ دُشمن سٞہ ہار وخت جھڑپ ینۡش۔حوالدار لالک جان دشمن ایں داگاں موقع تھیر تھی نہ پݭیلانۡش۔توپیں چھیٹ لالک جاناں سٞئیت پھر ینۡش سہٞ تانی ساٞر تھا دُشمن آں مقابلہ کٞرنۡش۔حوالدار لالک جان اٞ باٞر سخ سخ حملاٞ کِیر۔ ایں حملاٞ دہ دُشمن باٞر گھبرا ہو۔اٞ رات دُشمنہ حوالدار لالک جان ایں چوکئی رہ حملہ کیر۔لالک جانہ دشمناں حملاں کُوٹ پِھݭا مُقابلہ کِیر۔سٞہ مختلف مورچا تھی دشمن رہ حملا کٞرنش تے ہاٞرہ مورچا کٞہ چو زوانان کٞہ حوصلہ دیانش۔ تمام رات اوم اکدی سٞہ جنگو۔ سار نِیار ہوتے دشمناں توپیں ڈز غلہ ہی۔ دشمن تانی مرال چھوری ڈابو۔ حوالدار لالک جانہ دشمنا اِرادا سوم سٞہ میلائی تے تسوں باٞر گھاٞن نقصان کیر۔ توم پسا ہوگ رہ مجبور کیر۔7جولائی 1999ء مئ دشمنہ حوالدار لالک جانیں چوکئی رہ توپ دہ باٞر سخت حملہ کیر۔تمام دوس توبیکہ دیت۔ ریت مئ دشمن نہ چوئی دیش تھی لالک جان ایں چوکئ گیر کیر۔ دشمناں حملا دہ لالک جان باٞر سخ زخمی ہو۔تن آخری شینش آئی تانی چوکیاں دفاع کِیر۔ سہٞ باٞر زیات زخمی آش۔ باٞر باحرکات ہو تانی چوکئی شی شہید ہو۔ حوالدار لالک جان شہید کٞہ تسیں باٞحساب ٹکیرار تے قربینی رہ پاکستان ایں فوجاں باٞر گھاٞن اٞ فوجی اعزاز نشانِ حیدر دیت۔

gawri one

یہ پروفائلبطور ایڈمن رائیٹس استعمال ہوتا ہے۔ اس یوزر کے تمام ارٹریکلز سائٹ ایڈمن کے شائع شدہ آرٹیکلز ہے۔
gawri one

Latest posts by gawri one (see all)

کمنٹس

آپ کی رائے

Check Also

جندرئی آں اُچات کھن، چُنڑیل: محسن الملک ایڈوکیٹ

برِݭ مئی اٞجاٞنہ مُوں تھِلاں پروگرام ہُو۔ مٞہ ساٞراٞں ست باٞجاٞ رہ روان ہُو۔ ما …

Leave a Reply

Your email address will not be published. Required fields are marked *